Динамо Загреб добил понуда за Адеми

Во летото кое следи, Аријан Адеми би можел да ја промени средината, наводно Динамо добил понуда од пет милиони евра за македонскиот репрезентативец.

Хрватските медиуми не го откриваат името на тимот кој е заинтересиран за Адеми, меѓутоа се истакнува дека раководството на клубот сериозно размислува дали да ја прифати.

За Динамо Адеми настапува уште од 2010 година, а од 2017 година е капитен на загрепскиот тим со кој освои 10 титули во првенството, шест во Купот на Хрватска и три во хрватскиот Суперкуп.

Во минатото Адеми имаше неколку понуди да го напушти Динамо, а најсериозна беше понудата од Ал-Итихад од Саудиска Арабија. Се најавуваше дека трансферот ќе биде завршен за 7.5 милиони евра, спеак на крајот Адеми остана во Загреб.