Денвер и Јокиќ лесно против Портланд, Јанис енигма за Вориорси 🎥

Изминатата вечер во НБА лигата беа одиграни пет натпревари.

Денвер изминатата ноќ не дозволи пресврт. Водеа Нагетси со 26 разлика во третата четвртина и ја одржаа предноста до крајот без проблеми. Не само што ја одржаа предноста туку и го наполнија кошот на ослабениот Портланд (140:108).

Никола Јокиќ одново беше еден од најдобрите на теренот со 20 поени и само два промашувања, додаде уште 8 скока, 7 асистенции и 2 блокади. Најефикасен беше Вили Бартон со 21 поен. Портланд играше без Лилард, Меколум, Пауел, Зеле, Ненс Жуниор...и во таков состав не можеше ништо.

Шампионот лесно ги совлада Вориорси (118:99) во дербито на вечерта. Антетокумпо беше енигма за гостите. Грчкиот кошаркар стигна до третиот трипл-дабл во сезоната со 30 поени, 12 асистенции и 11 скокови. Мидлтон додаде 23 поени, Портис 20…Во редовите на Бакси од изолација се врати тренерот Буденхолцер. Стеф Кари застана само на 12 поени, а најефикасен беше Вигинс со 16.

НБА РЕЗУЛТАТИ: Милвоки – Голден Стејт 118:99, Мемфис – Минесота 116:89, Њу Орлеанс – Клиперс 113:89, Бруклин – Оклахома 109:130, Денвер – Портланд 140:108.