Дарко Велковски пронајде нов клуб

Македонскиот дефанзивец Дарко Велковски по неколку месеци во кои беше без клуб по заминувањето од саудискиот Ал Етифак во третиот ден од новата 2024 година пронајде нов ангажман и тоа во Романија.

Денеска Велковски беше пормовиран во нов фудбалер на Динамо Букурешт со кој потпиша договор до крајот на годината со можност соработката да биде продолжена.

Велковски веднаш ќе патува за Анталија каде што романскиот прволигаш ќе ги одработи зимските подготовки. Во овој момент Динамо Букурешт е претпоследен тим на табелата во Романија со 16 бодови, седум помалку од Пол Јаши кој е првиот најблизок ривал.