Грузија не беше закана: Одбојкарите со блескаво издание до прва победа во квалификациите

Македонската одбојкарска репрезентација забележа убедлива победа од 3:0 во сетови против Грузија на стартот од квалификациите за Европското првенство во 2026.

Од самиот почеток македонските одбојкари наметнаа одлична игра и првиот сет избраниците на Хари Наковски го добија со 25:12. Сличен беше и вториот сет во кој на Грузијците им дозволивме два поени повеќе.

Не пронајдоа решение грузиските одбојкари за нашата игра и во третиот сет во кој им дозволивме 18 поени (25:18) за конечни 3:0.

Во следното коло Македонија ја очекува натпревар против Грција.