Германците најавуваат промени во Минхен: Баерн го напуштаат пет ѕвезди?!

Баерн Минхен лесно ја помина групната фаза во Лигата на шампионите и се пласираше во осминафиналето на најелитното европско натпреварување, меѓутоа гигантот од Минхен има проблеми во домашното првенство.

Имено, според информациите на „Билд“, Баерн сака да направи големи промени и за таа цел се спремни да продадат најмалку пет од своите ѕвезди.

На списокот кој би можеле да бидат продадени се: Џошуа Кимих, Алфонсо Дејвис, Леон Горецка, Матијас Де Лихт и Серж Гнабри.

Сигурно дека со оглед на квалитетите на сите петмина Баерн нема да има проблем да ги продаде, а освен тоа и добро би заработил. Планот на раководството е тие добиени пари да ги бложат во нови фудбалери од топ класа.