Гвардиола тргнува по својот омилен фудбалер

Италијанските медиуми пренесуаат дека Манчестер Сити на лето ќе се обиде да го донесе капитенот на Милан, Леонардо Бонучи.

Бонучи пристигна на „Сан Сиро“ минатото за 40 милиони евра, но Милан одигра уште една разочарувачка сезона и најверојатно ќе остане без пласман во Лигата на шампиони.

„Спортмедиасет“ пренесува дека Сити ќе се обиде да ја искористи таквата ситуација за да го донесе Бонучи на „Етихад“ и веќе спремил понуда од 50 милиони евра.

Познато е дека Гвардиола има големи симпатии кон Италијанецот и во него гледа идеален наследник за Компани.

Сепак, Гатузо се противи на продажбата на капитенот, а тешко е да се поверува дека раководството на „росонерите“ ќе прифати разделба со својот најдобар фудбалер.

На лето сигурно ќе биде продаден Калиниќ, кој не ги оправда очекувањата, а неизвесна е и иднината на Донарума, бидејќи познато е дека Милан е во „војна“ со неговиот менаџер Мино Раиола.