Гвардиола по елиминацијата: Не заслуживме повеќе

Манчестер Сити неочекувано загуби од Саутемптон во четвртфиналето на Карабао купот, а менаџерот Пеп Гвардиола признава дека неговиот тим заслужил пораз.

Интересно е тоа што „граѓаните“ не испратија ниту еден удар во рамки на противничкиот гол за првпат уште од април 2018 година.

Гвардиола не сакаше да се правда за поразот и беше суров и искрен за играта на неговите избраници.

„Победи подобрата екипа на теренот. Ние игравме лошо и ништо не ни одеше од рака. Не бевме ниту блиску до тоа што го сакавме. Не бевме подготвени да стигнеме до полуфинале на натпреварувањето“, кажа Гвардиола.