Галијани емотивен пред мечот со Милан: Како да го гледам целиот свој живот пред мене…

За првпат откако се изборија за место во Серија А Монца ќе игра против Милан. Овој натпревар покрај што се игра на „Сан Сиро“ ќе биде посебен поради раководниот тандем Берлускони – Галијани.

Од кога во 2018 година Берлускони ја презеде Монца овој тим доживеа вистинска ренесанса. Тандемот Берлускони – Галијани го водеше Милан три децении и затоа натпреварот на „Сан Сиро“ за нив носи посебни емоции.

„Емоциите се бесконечни. Како да го гледам целиот свој живот пред мене во изминатите денови. Во детството бев навивач на Монца, а потоа менаџер од 1975 до 1985 година, потоа дојде Милан од 1986 до 2017, па сега повторно Монца од 2018…Неверојатно“, изјави Галијани.

Натпреварот помеѓу Милан и Монца се игра утре од 18:00 часот.