„Во Сити доаѓавме час и половина пред тренинг, во Барса нема никој“

Серхио Агуеро ова лето го напушти Манчестер Сити и се пресели во Барселона, па направи споредба на тренинзите во двата клуба.

Како што тврди, работната етика кај играчите е многу поизразена во англискиот тим, во споредба со Барселона.

„Во Сити доаѓавме час и половина пред тренингот, а овде сите доаѓаат 30 минути порано. Се обидов да дојдам барем еден лас порано за да вежбам во теретана, но во тренинг центарот немаше никој. Се беше затворено“, изјави Агуеро.

Аргентинецот во Манчестер Сити помина 10 години, а иако се уште не дебитирал во дресот на Барселона, веќе размислува за трансфер.