ВИДЕО: Новинар се обиде да го испровоцира Ѓоковиќ, Новак знаеше да му одговори

Новак Ѓоковиќ се соочи со непријатна ситуација на конференцијата за медиуми откако се пласираше во полуфиналето на Австралија Опен.

Кеи Нишикори го предаде мечот со Ѓоковиќ, па Србинот така за нешто помалку од еден час поминат на теренот се пласираше во полуфиналето.

Еден новинар на конферецнијата очигледно беше фан на играта на Надал па испрати мала провокација до српскиот тенисер.

„Дали се чуствуваш спремен да се соочиш со Рафа кој игра спектакуларно?“, гласеше прашањето на новинарот.

Следуваше одогворот од Ѓоковиќ.

„Не го разбирам вашето прашање или констатација. Ова е моја конференција, би било и подобро да зборуваме повеќе за мене отколку за Надал. Ако сакате да зборувате за потенцијален наш дуел, тогаш ќе треба да почекаме да поминат полуфиналињата“, одговори Новак.