Видео: Кливленд падна во последната секунда

Ослабениот Бостон Селтикс со тројка на Бредли во последните мигови од натпреварот победи на гостувањето кај Кавалирс и намали на 1:2 во финалето на Источната конференција во НБА. ЛеБрон запрен на 11 поени.

Кога се чинеше дека практично сè е решено и дека актуелниот НБА шампион повторно ќе прескокне уште едно скалило во „четворочекорот“ кон големото финале на НБА, се случи Маркус Смарт.

Релативно непознатиот играч на Селтикс, како замена за повредениот Ајзеа Томас, водеше со 27 поени и 7 асистенции на чело на својот тим до пресврт и триумф на гостувањето кај Кливленд Кавалирс со 111:108 и за брејк во источното финале на НБА со резултат од 1:2.

Домашната екипа доминираше во првиот дел од натпреварот и стигна до 17 поени предност, за потоа да се опуштат во продолжението, посебно нивната одбрана. Тоа гостите го искористија, а пред сите се истакнаа Смарт и Ејвери Бредли со 20 и Ал Хофорд со 16 поени, а завршниот удар го зададе Бредли со тројка во последните секунди од натпреварот и го реши прашањето за победник на натпреварот.

Кај домаќините најдобар беше Кевин Лав со 28 поени и 10 скока, додека Кајри Ирвинг постигна еден поен повеќе. Најголемо разочарување,а воедно и причина за шокантниот пораз беше слабата игра на мега-ѕвездата на „Коњаниците“, ЛеБрон Џејмс, кој впиша само 11 поени (0-4 од тројка), заедно со 6 скока и изгубени топки и 6 асистенции.

Следниот меч меѓу Кавалирс и Селтикс, кои нема да можат до крајот да сметаат на поврдениот Ајзеа Томас, се игра во ноќта помеѓу среда и четврток од 2:30 часот по средноевропско време.