Бомба од Каталонија: Барселона тргнува по Еден Азар

Каталонскиот весник „Спорт“ денес лансираше вистинска „бомба“ и на насловната страна ексклузивно објави дека примарна трансфер цел на Барселона е ѕвездата на Челзи, Еден Азар.

Заминувањето на Андрес Иниеста и Паулињо, како и скоро сигурното заминување на Андре Гомеш ќе остават сериозна празнина на средина од теренот. Каталонците веќе го донесоа Бразилецот Артур, но сакаат да донесат и уште една голема ѕвезда.

Поради тоа „Спорт“ тврди дека Барселона ги разгледува можностите на трансфер пазарот, па приоритетна трансфер цел ова лето ќе биде доведувањето на Азар.

Сепак, трансферот на 27-годишниот Белгиец нема да биде воопшто лесен, бидејќи за него силен интерес покажува и Реал Мадрид. Азар одби да го продолжи договорот со Челзи и најверојатно ќе ја промени средината ова лето, па негова следна дестинација најверојатно ќе биде Шпанија.

Барселона не се откажува и ќе води битка со Реал Мадрид до крај за неговиот потпис.

#PortadaSPORT | ¡Hola a todos!
Esta es nuestra portada de hoyhttps://t.co/Tha59Hk5P1

— Diario SPORT (@sport) July 10, 2018