„Бомба“ од Апенините: Мората се враќа во Јувентус

Јувентус е во потрага по нов напаѓач и се насочи кон дорбо познато име, тврдат медиумите во Италија.

Станува збор за напаѓачот на Атлетико Мадрид, Алваро Мората, кој исто така има голема желба да се врати во Јувентус.

Игуаин ќе го напушти Јувентус, а Пирло е во потрага по напаѓач кој ќе биде идеален партнер на Роналдо, па Мората е прва желба на новиот тренер.

Јувентус започна преговори со Суарез, но Уругваецот тешко дека ќе се ослободи од Барселона без обештетување.

Поради тоа Мората е пореална опција, бидејќи Атлетико има потреба од продажба на неколку фудбалери.

Шпанецот дал согласност за враќање во Торино, па сега останува двата клуба да најдат заеднички јазик околу обештетувањето.