Бегалец од Украина ќе тренира со Манчестер Сити

Младиот украински фудбалер Андриј Кравчук во продолжение од сезоната ќе тренира со екипата на Манчестер Сити, откако Премиер лигата даде одобрување.

„Граѓаните“ одлучија да побараат дозвола на основа на пријателството на Кравчук со Украинецот од Манчестер Сити, Олександар Зинчеко, двајцата настапуваа во младите категории од Шахтјор Доњеск.

Кога започна руската инвазија на Украина Кравчук беше со својот Торпедо во Турција на припреми. Меѓутоа тој го раскина договорот со рускиот тим и во продолжение ќе тренира со премиерлигашот.

„Играв во земја која изврши инвазија на мојата татковина. Заминувањето од клубот беше единствена можна одлука. Луѓето во Украина не би ме разбрале зошто продолжувам таму. Се чувствував навистина непријатно“, изјави Кравчук.

Младиот фудбалер изрази посебна благодарност до Зинчеко и Манчестер Сити.

Manchester City have allowed Oleksandr Zinchenko's former teammate Andrii Kravchuk to spend the season training with them after terminating his contract with Torpedo Moscow and fleeing to Manchester 👏💙💛#MCFC pic.twitter.com/fW52THxwHq

— 101 Great Goals (@101greatgoals) March 31, 2022