Барса потврди: Пристигнува замена за Суарез од 60 милиони!

Барселона до крајот на преодниот рок ќе донесе напаѓач кој ќе биде замена за Луис Суарез, потврди претседателот на каталонскиот клуб.

Најголема желба на Барселона е напаѓачот на Валенсија и шпански репрезентативец, Родриго, а  претседателот Бартомеу потврди дека преговорите се во тек.

Вчера во Барселона пристигна и познатиот агент Жорге Мендеш, а тоа е знак дека преговорите се во напредна фаза и дека трансферот е пред реализација.

„Не зборуваме за играчи од други екипи. Ама името на Родриго е на маса од страна на тренерите. Замена ќе има, само не знам дали ќе биде од Барселона Б или надвор од клубот“, потврди Бартомеу.

Двата клуба се во напредна фаза на преговори и Родриго треба да се пресе на „Камп Ноу“ за сума од 55-60 милиони евра.