Баерн не се откажува, спреми нова понуда за Кејн

Баерн Минхен не се откажува и испрати четврта понуда до Тотехем за потписот на Хари Кејн.

Баерн е одлучен во намерата да го доведе Хари Кејн на „Алијанц Арена“, а самиот фудбалер веќе ги договори личните услови и притиска за трансфер.

Баварците веќе испратија офоцијално три понуди, и трите беа одбиени од страна на Тотенхем, кој уште еднаш се покажа како тежок преговарач.

„Скај Спортс“, пренесува дека претставници на Баерн и Тотенхем во текот на ноќта преговарале за трансфер на преговорите ќе продолжат денес.

Баерн е спремен со вклучени бонуси да плати 110 милиони евра за Англичанецот, што е приближно до сумата која ја бара Тотенхем.