Атлетико го заборави Кавани и има друга цел

Атлетико Мадрид е во потрага по напаѓач во зимскиот преоден рок и нивна примарна цел беше напаѓачот на ПСЖ, Едисон Кавани.

Меѓутоа, „јорганџиите“ не можат да најдат заеднички јазик со ПСЖ, кој ја одби нивната понуда од 10 милиони евра, па сега ќе се насочат кон друга цел.

Кавани може да пристигне во Мадрид во јуни како слободен агент, но на Атлетико му треба напаѓач веднаш, па ќе се насочи кон ѕвездата на Осасуна, Чими Авила.

„Мундо Депортиво“ пренесува дека Атлетико веќе започнал преговори и ќе се обиде да ја намали цената од неговата откупна клаузула која изнесува 25 милиони евра.

Аргентинецот пристигна во Примера пред неколку месеци, но веќе има 10 гола и 3 асистенции во 20 одиграни меча за Осасуна.