Атлетико го договори третото засилување!

Атлетико Мадрид уште во летото потроши 102 милиони евра за засилувања кои пристигнуваат на први јануари, а сега го завршија трансфер за наредното лето.

Диего Коста и Витоло се бидат засилувања за вториот дел од сезоната, додека играчот за врска на Виљареал, Родри ќе пристигне на крајот на сезоната.

Мадриѓаните постигнаа договор со „жолтата подморница“ за Родри следното лето да се пресели во Атлетико за сума од 20 милиони евра, плус додатни 5 милиони преку евентуални бонуси.

За овој играч за врска интерес имаше од многу европски гиганти, меѓу кои и Барселона, па поради тоа „јорганџиите“ мораа што побрзо да реагираат.

Родри е дефанзивен играч за врска кој многу потсетува на Серхио Бускетс, а за Атлетико ќе потпише договор до 2023 година.