Англичаните немилосрдни: ФА го казни Силва за шегата со Менди!

Фудбалската асоцијација на Англија денес го казни Бернардо Силва со еден натпревар суспензија и 50.000 фунти поради шегата која ја направи на социјалните мрежи со својот соиграч од Сити, Бенџамин Менди.

Португалецот публикуваше слика од детството на Французинот и го спореди со „Конгитос“, а педантните Англичани во тоа видоа расизам.

Бернардо Силва веднаш ја отстрани објавата и напиша дека денес дури и не можеш да се пошегуваш со пријатели. Меѓутоа, ФА не му прости, отвори истрага и денес му изрече казна.