„Алегри веднаш ќе му каже ДА на Милан“

Легендарниот тренер Џовани Галеоне, кој му е ментор и многу близок пријател на Масимилиано Алегри вели дека би бил идеален тренер за Милан.

Галеоне за италијанските медиуми ја коментираше ситуацијата во Милан и рече дека идеално решение за овој клуб би било да го доведе Масимилијано Алегри.

„Кога стана тренер на Милан, веднаш ја освои титулата. Враќањето во сегашниот тим на Милан би било совршено за тим кој е технички многу квалитетен како Милан. Тие имаат силни поединци во нападот и Макс исто така многу би ја подобрил одбраната. Ако добие понуда од Златан Ибрахимовиќ, веднаш ќе каже ДА“, изјави Џовани Галеоне.