Австрија лесно не победи и не испрати дома

Репрезентацијата на Македонија денес го заврши настапот на Европското првенство.

Австрија денес не потопи од самиот старт не ни даде шанса да се надеваме дека можеме нешто да направиме. Уште во првите минути Австријците поведоа со 4:1. Брзо се вративме на 4:4, но во продолжение предноста на Австрија само се зголемуваше и после првото полувреме домаќинот имаше предност од 18:12.

Во вториот дел следуваше уште полоша игра на нашите ракометари, па Австрија стигна и до двоцифрена предност.

Австријците во финишот од натпреварот ги штедеа силите за во наредниот круг, па ние само го ублаживме поразот.

Конечниот резултат на крајот гласеше 32:28.