Австралија Опен: Надал едвај до победа во првото коло

Рафаел Надал е далеку од најдобрата форма, но сепак успеа да го победи Британецот, Џејк Дрејпер со 7:5, 2:6, 6:4 и 6:1 со што се пласираше во второто коло на Австралија Опен.

Првиот сет се до 12. гем изгледаше дека ќе гледаме тај-брејк, но потоа Надал го нападна сервисот на ривалот и успеа да го одземе, а на свој сервис го потврди за 7:5.

Британецот започна да игра многу подобро во вториот сет и со четири гема во низа брзо го израмни резултатот.

Надал во третиот поведе со 4:1, а Дрејпер се врати до 4:4, сепак тука следуваа два нови гема на Шпанецот за 6:4. Играта на британскиот тенисер целосно се распадна во четвртиот сет, па Надал без многу проблеми со 6:4 дојде до победа од 3:1 во сетови.

Следна пречка на Надал во второто коло ќе биде Мекдоналд кој во првото коло го победи Накашима.