Во Сити збеснаа поради дресот на Халанд, најавија и тужба!

Големи реакции предизвика ветувањето на еден од кандидатите за претседател на Реал Мадрид, Енрике Рикелме, дека ќе доведе, меѓу другите, Ерлинг Халанд од Манчестер Сити ако биде избран за претседател. Славниот премиерлигаш се закани и со тужба.

Причината за ваквата правна акција е што Рикелме во емисија, каде ја објави оваа намера, покажа дрес на Реал Мадрид со името на Халанд и бројот 9.

🆕 Рикелме уверува дека ХААЛАНД ќе биде играч на РЕАЛ МАДРИД ако ги добие изборите.

💸 Се обврзува да ја плати годишната членарина на сите членови ако не ги исполни своите ветувања.

преку @El_Hormiguero pic.twitter.com/a0KFyCJFDB

— El Chiringuito TV (@elchiringuitotv) June 3, 2026

„Шпекулациите од Шпанија за иднината на Ерлинг Халанд се ЛАГА. НЕМА шанси да се случи тоа, бидејќи не постои клаузула во договорот што би го дозволила. Размислуваме за ПРАВНИ АКЦИИ поради користење на сликата на нашиот играч во овој контекст“, се вели во изјавата на Манчестер Сити.

Интересно е што во англискиот вицешампион не се осврнаа на Родри, исто така нивни играч, кој исто така беше споменат од Рикелме како засилување за Реал доколку стане претседател на клубот од Бернабеу.