Винисиус би можел да ја прифати понудата од милијарда евра – позната е неговата замена во Реал Мадрид!?

Винисиус тврди дека неговата иднина ја гледа во Реал Мадрид, но медиумите и фудбалските инсајдери тврдат дека не е невозможно Бразилецот во летните месеци да ја прифати неетичката понуда од Саудиска Арабија. Ако тоа се случи, Реал ќе мора да тргне по квалитетно напаѓачко решение, а прв избор ќе му биде Ерлинг Халанд. Ова го тврди Флоријан Плетенберг, инсајдер на „Sky Sports“.

Разговорите помеѓу Саудијците и крилниот напаѓач на Реал и бразилската репрезентација траат од 2023 година. На нив учествуваше и тој, обиколен со луѓето кои се грижат за неговата кариера, а на средбите беа и најрелевантните личности од саудиската кралска куќа. Тие го уверуваа Винисиус дека неговата иднина кај нив не е само заради милионите, туку и заради улогата како амбасадор на Светското првенство, што во 2034 година ќе се одржи во Арабија.

Иако сè уште не е познато во кој клуб би играл Винисиус ако ја прифати понудата, познато е што може да добие ако одлучи да го напушти Реал и да го прифати повикот од Саудиска Арабија. На една од средбите присуствуваа и агенти на играчот, кои разговараа со Саад ал-Лазеез, потпретседател на саудиската лига. „Тој на маса стави неверојатни суми. Винисиус добива милијарда евра за пет години или 200 милиони евра по сезона“, извести „Марка“.

Фото: Real Madrid/FB