(Видео) Нови детали за пресметката: Дилон Данис доживотно суспендиран поради жестоката тепачка?

Американскиот бизнисмен и претседател на УФЦ, Дена Вајт (56), изјави дека борецот Дилон Данис (32) ќе биде доживотно суспендиран поради учество во масовна тепачка што избила во Њујорк.

Жестоката пресметка се одиграла во сабота вечерта во „Медисон Сквер Гарден“, каде учествувале, да потсетиме, УФЦ борците Дилон Данис, Ислам Махачев, членовите на неговиот тим, како и Магомед Зајнуков.

Според кажувањата на сведоците, како што известува „НТ Њуз“, Дилон Данис бил оној кој вербално го започнал инцидентот, кој брзо прераснал во физичка пресметка. За време на хаосот, во кој било тешко да се утврди кој кого удира, се уриваа барикади, летале столчиња и пиво, поради што десетици членови на обезбедувањето влетале во арената. Заедно со припадниците на полицијата и потпретседателот на УФЦ, Хантер Кембел, морале да интервенираат, а за да ја смират ситуацијата, прво го извеле Данис надвор од салата, и тоа со лисици на рацете.

MASSIVE BRAWL breaks out cageside at #UFC322 with Dillon Danis and others in the fighter section.

🎥 @mikebohn pic.twitter.com/djgEcCdGRt

— MMA Junkie (@MMAJunkie) November 16, 2025