Навивач на Аталанта беше избоден до смрт за време на инцидент со навивачи на миланскиот Интер во Бергамо, соопшти во неделата италијанската полиција.
Навивачите на Аталанта и Интер влегоа во судир во кафуле во Бергамо во саботата вечерта, откако еден од навивачите на Интер провоцирачки скандираше, изјави за Ројтерс раководителот на канцеларијата на карабињерите во Бергамо Кармело Берингели.
Безбедни ли сме? Колку во Македонија се вложува во безбедност и заштита? ↓↓↓
Конфликтот потоа продолжи на улица во близина на стадионот на Аталанта и прерасна во насилна пресметка кога навивач на Интер избодел 26-годишен навивач на Аталанта, додаде тој.
Младо момче во доцните тинејџерски години е уапсено и изјави дека дејствувал за да го заштити својот брат, рече Берингели.
Навивачите на Аталанта во чест на убиениот пријател истакнаа транспарент на почетокот на натпреварот во Монца во кој нивните миленици во неделата славеа со 4-0.
“Она што му се случи на нашиот навивач не смее повеќе никогаш да се повтори”, изјави менаџерот на Аталанта Џан Пјеро Гасперини на прес-конференција по натпреварот.
Клубот не го коментираше официјално инцидентот.
Учество во игри на среќа е дозволено за лица со 18+ години. Играј одговорно!