Уште не дојде на клупата на Реал Мадрид, а Жозе Мурињо веќе подготви болен удар на Барселона

Жозе Мурињо наскоро треба да биде официјализиран како нов тренер на Реал Мадрид, но и без официјална потврда, Специјалниот веќе работи на засилувања за следната сезона. Една од желбите на португалскиот експерт е италијанскиот дефанзивец Алесандро Бастони од Интер, кој во изминатиот период беше голема желба на ривалската Барселона.

Во изминатиот период Барселона со сите сили се обиде да го заврши трансферот на италијанскиот дефанзивец Алесандро Бастони. Меѓутоа, понудите од Каталонија за 27-годишникот беа премали.

Барса му понуди на Интер 45 милиони евра за неговите услуги. Понудата беше лесно одбиена и Нераѕурите бараат минимум 60 милиони евра.

Во меѓувреме, Барселона наводно се откажала од неговото доведување бидејќи тренерот Ханси Флик не е сосема убеден дека Италијанецот би можел на вистински начин да се вклопи во неговиот тим и наводно веќе почнал да бара други опции.