Украина го прогласи за предавник, но судот му ги врати титулите на Тимошчук

Анатолиј Тимошчук доби статус на предавник во Украина иако беше фудбалска легенда на оваа земја.

Причината за такво нешто е што по стартот на воениот конфликт меѓу Украина и Русија остана на својата работна позиција во стручниот штаб на Зенит.

Претседателот на Украина Володимир Зеленски го стави Тимошчук на „списокот на предавници“. Тој стана еден од 34-те украински спортисти на кои им беа одземени сите државни награди и титули.

Но, за разлика од повеќето кои не реагираа на овој потег на државниот врв, Тимошчук поднесе жалба до Судот за спортска арбитража во Лозана. 

По одработувањето на случајот, од Судот потврдија дека жалбата е легитимна. Поништена е одлуката на Украинскиот фудбалски сојуз и претседателот, па сите титули му се вратени во резимето на Тимошчук.