Tрагедија во Колумбија: На забава почина поранешен репрезентативец кој играше и на Светско првенство

Поранешниот фудбалски репрезентативец на Колумбија, Хорхе Болано, почина на 47-годишна возраст, јавуваат колумбиските медиуми. Тој бил на една забава во Кукута, каде што му се слошило. Починал од срцев удар. Од него се прости и фудбалската федерација на Колумбија.

Болано е најпознат по настапите за репрезентацијата на Колумбија, со која учествуваше на Светското првенство во 1998 година во Франција. Настапи на 34 натпревари и постигнал еден гол за својата земја. Десет години мина во италијанската лига, играјќи за Парма, Сампдорија, Лече и Модена.

Со Парма во 2002 година го освои Купот на Италија. По завршувањето на играчката кариера, стана тренер. Беше помошник на Хуан Карлос Рамирез во У-17 репрезентацијата на Колумбија. Исто така беше спортски коментатор на локалните телевизии.

𝗟𝗮 𝗙𝗖𝗙 𝗹𝗮𝗺𝗲𝗻𝘁𝗮 𝗲𝗹 𝗳𝗮𝗹𝗹𝗲𝗰𝗶𝗺𝗶𝗲𝗻𝘁𝗼 𝗱𝗲𝗹 𝗲𝘅 𝗷𝘂𝗴𝗮𝗱𝗼𝗿 𝘆 𝗲𝗻𝘁𝗿𝗲𝗻𝗮𝗱𝗼𝗿 𝗛𝗼𝗿𝗵𝗲 𝗕𝗼𝗹𝗮𝗻̃𝗼.

🔗https://t.co/flxkEP5NMD pic.twitter.com/fjsf9n7688

— Selección Colombia (@FCFSeleccionCol) 7 април, 2025