Toто: Не чека важен меч, клучна ќе биде одбраната

Пред Вардар е нов предизвик во Лигата на шампионите и на гости кај ППД Загреб црвно-црните ќе се обидат да ја прекинат серијата од три порази во низа.

Вардар во првите девет кола освои пет бода, Загреб има бод помалку и се наоѓа на седмата позиција, Вардар е шести. Еден од најважните играчи на Вардар оваа сезона, Французинот Жереми Тото истакна дека ако Вардар игра како против Кил позитивен резултат е можен.

„Нашите очекувања за овој дуел се да бидеме силни како и против Кил. Во тој натпревар покажавме добро лице иако изгубивме. Сега сме фокусирани на овој натпревар. Гледавме видео-анализи и верувам дека сме спремни. Не чека многу важен натпревар, а клучот ќе биде во одбраната“, изјави Тото.

Натпреварот помеѓу Загреб и Вардар се игра утре од 20:45 часот.