Заврши сагата околу статусот на Савињо во Манчестер Сити. Бразилецот, и покрај силниот интерес од Тотенхем, на крајот го продолжи договорот со клубот од Етихад.
Сериозно се развиваше приказната помеѓу Тотенхем и Савињо последните денови од преодниот рок. Но, бидејќи не се оствари, Бразилецот се насочи кон преговори со Сити за нов договор.
И договорот е постигнат. Савињо е врзан со нов договор до 2031.
Не одигра многу фудбал оваа сезона. Одигра девет натпревари, вклучувајќи три на Светското клупско првенство. И токму на тој турнир одигра најмногу минути – 300 од вкупно 511. Значи, на шест натпревари во другите натпреварувања одигра само 211 минути.
Откако дојде во Сити летото 2024, тој вкупно за Граѓаните одигра 54 натпревари и постигна четири гола во сите натпреварувања.
Учество во игри на среќа е дозволено за лица со 18+ години. Играј одговорно!