Сити се договори со ѕвездата од Бундеслигата

Манчестер Сити постигнал договор со напаѓачот на Ајнтрахт Франкфурт, Омар Мармуш, според Скај Спортс Германија.

Мармуш може да игра на сите три напаѓачки позиции, што многу му се допаѓа на менаџерот на Сити, Пеп Гвардиола. Оваа сезона тој има постигнато 18 голови и 11 асистенции во сите натпреварувања.

За него интерес покажуваа многу европски гиганти, но „граѓаните“ ја победија конкуренцијата и веќе се договорија со играчот.

 Ајнтрахт бара 80 милиони евра за својата ѕвезда, но Манчестер Сити ќе се обиде со преговори да ја намали таа сума и е спремен да плати 50 милиони плус бонуси.