Што се случува? Ѓоковиќ прескокна тренинг, Мареј не даваше изјави за медиумите

Новак Ѓоковиќ избегна уште еден тренинг пред полуфиналето на Австралија опен. Српскиот тенисер не тренираше ниту во четвртокот, иако првично беше регистриран за теренот број 16.

Требаше да има тренинг во 14:00 часот по локално време со младиот Австралиец Хејден Џонс, но нивната резервација беше откажана. 

Новак ја повреди ногата во натпреварот против Карлос Алкараз, па одлучи да се одмара до средбата со Александар Зверев во полуфиналето. 

Интересно е дека Новак последната титула во Мелбурн ја освои во 2023 година, а ниту тогаш не одигра тренинг поради повреда на задната ложа. 

Максималната фокусираност за утре се потврдува и со фактот дека Енди Мареј веќе нема да дава никакви изјави за медиумите, иако од почетокот на турнирот беше многу достапен за новинарите.