Шок во Мелбурн: Медведев по пет часа елиминиран од 19-годишник!

Лирнер Тиен направи сензација во второто коло на Австралија Опен, исфрлајќи го Даниил Медведев од првиот гренд слем во сезоната.

19-годишникот од Соединетите Американски Држави, по речиси пет часа тенис, го совлада петтиот на светот со 3:2 во сетови (6:3; 7:6, 6:7, 1:6; 7:6).

Првите два сета сензационално му припаднаа на 121. тенисер во светот, по што се врати Русинот.

Прво Медведев спаси меч топка, а потоа успеа да го освои третиот сет во тај-брејк и по трета сет топка, дојде до 2:1 во сетови. Четвртиот Даниил рутински го реши, препуштајќи му на Тиен само еден гем.

Кога сите мислеа дека петтиот сет ќе биде формалност за Медведев, Тиен не се предаде и по тај-брејк дојде до сензација.

Следниот противник на Тиен ќе биде Корантин Муте од Франција.