Себаљос и Реал се договорија: играчот од средниот ред си заминува како слободен агент, бидејќи не е сакан од Мурињо

Дани Себаљос го напушта Реал Мадрид како слободен агент, откако се откажа од последната година од договорот со „кралскиот клуб“, објави „Ас“. Изданието додава дека фаворит за неговиот потпис моментално е Бетис.

Веќе неколку години Себаљос е на прагот на заминување, но сега драмата околу неговата иднина завршува. Шпанецот не се вклопува во плановите на новиот тренер Жозе Мурињо, кој побарал од раководството брзо да го реши прашањето за иднината на 29-годишниот среден играч.

Бетис доста долго се обидува да го врати Себаљос и сега ќе има можност да го стори тоа, бидејќи нема да има потреба да плаќа никаква трансферна сума на Реал. Ајакс исто така беше заинтересиран за него, но Шпанецот го одби холандскиот гигант, бидејќи сака да се врати во Андалузија. Според „Ас“, Бетис ќе понуди многу долг договор на Себаљос, кој ќе биде на период од четири или пет години, за да го компензира поради тоа што се откажа од својата плата на „Сантиаго Бернабеу“ за последната година од договорот.