Роналдо со кратка изјава најави дека се ближи крајот на неговата кариера

Кристијано Роналдо зборуваше за своето пензионирање, кое според него неизбежно се приближува, иако сè уште не одлучил кога точно ќе дојде тој момент.

Португалската ѕвезда истакна дека настојува да живее „од ден за ден“ и е свесен дека му останале ограничен број години активен фудбал.

„Најважно е човек да го цени и да ужива во сегашноста. Не можам да кажам колку уште ќе играм, но знам дека времето е кратко и затоа сакам од секој миг да извлечам максимум. Моето мото е да немам долгорочни планови – секој тренинг, секој натпревар и секој ден ми се нова прилика за уживање“, нагласи Роналдо.