Реал се подготвува за најголемиот трансфер во историјата на фудбалот?

Мајкл Олисе по фантастичните сезони и одличното Светско првенство стана една од најголемите желби на Реал Мадрид, а се зборува сè погласно за сума која би можела да го собори светскиот рекорд.

Одличните игри во дресот на Баерн и репрезентацијата на Франција го направија цел на многу големи клубови, но последниве денови најмногу се зборува за интересот на Реал Мадрид.

Според пишувањата на странските медиуми, доколку Реал Мадрид навистина одлучи да тргне по Olise, Баерн нема ниту да разгледа понуди кои не би претставувале нов светски рекорд. Со други зборови, Германците немаат апсолутно никаква причина да продадат еден од своите најважни играчи.

Олисе во само две години направи огромен скок во кариерата. По трансферот од Кристал Палас во Баерн многу брзо се наметна како еден од клучните играчи на минхенскиот гигант, а неговите бројки доволно говорат за каков фудбалер станува збор.

Олисе денес повеќе не е само врвен фудбалер. Тој стана еден од највредните спортски проекти на европскиот фудбал, играч кој со само 24 години има речиси сè што бараат модерните тренери од офанзивец.

Ако Реал навистина одлучи да го собори рекордот, интересно е што би било доволно номинално да се понудат 223 милиони евра, односно милион повеќе од износот што ПСЖ го плати на Барселона во 2017 година за Neymar.