Реал подготвува мегатрансфер – нуди 220 милиони евра за една од главните ѕвезди на СП

Реал Мадрид е подготвен да руши рекорди за да го доведе Мајкл Олисе од Баерн. Според написите на разни германски медиуми, „кралскиот клуб“ подготвува историска понуда за француската ѕвезда, која би изнесувала 190 милиони евра плус дополнителни 30 милиони преку бонуси. Ова потврдува сериозната намера на мадридскиот клуб да ангажира еден од најпробивните играчи во европскиот фудбал, пишува шпанскиот Fichajes.

Олисе веќе со месеци се споменува во канцелариите на „Сантијаго Бернабеу“, но неговите настапи на Светското првенство 2026 драстично го зголемија интересот на Реал. Францускиот напаѓач е една од најголемите сензации на турнирот, а неговото влијание дополнително ја подигна неговата пазарна вредност. Во Баерн се свесни за тоа и не брзаат со преговори. Нивниот став е јасен: ако Реал Мадрид сака да ја донесе нивната ѕвезда, ќе мора да плати сума која надминува пазарните граници.

Понудата што се споменува, вкупно тешка 220 милиони евра, би го ставила Олисе во категорија резервирана за ретки фудбалери. Реал Мадрид обично не влегува во операции од ваков размер ако нема јасна спортска цел, а во овој случај залогот одговара на очигледната потреба: доведување на напаѓач кој прави разлика, е млад, има дриблинг, постигнува голови и е способен да решава големи натпревари.