Првин го расплака, потоа го тешеше – симпатична сцена на Раиконен со малиот фан (видео)

Формула 1 започнува сè повеќе и повеќе да се менува и да се доближува до фановите, а доказ за тоа е и постапката на Кими Раиконен на вчерашната трка за Големата награда на Шпанија, кога се сретна за да утеши еден фан.

Кими Раиконен ја заврши трката уште во првиот круг поради судир, камерите тогаш снимија едно мало дете облечено во реквизити од Ферари како плаче.

Таа снимка брзо се рашири по социјалните мрежи, па додека траеше трката луѓето од Ферари го пронашле момчето и му овозможиле да влезе во просторот на тимот на патеката, да се запознае со членовите на тимот и да се фотографира со Кими.