Поранешниот капитен на албанската репрезентација Игли Таре (51) треба да стане спортски директор на АЦ Милан, објавија италијанските медиуми. Во Милано сакаа на позицијата спортски директор да го видат Тони Д’Амико (45), кој успешно ја врши таа работа во Аталанта. Но, откако добија „корпа“, се свртеа кон Игли Таре, кој 15 години беше спортски директор на Лацио, каде што помина и дел од играчката кариера.
Како ПАМЕТНО да типувате на World Cup 2026!
Таре ја напушти позицијата спортски директор на Лацио во јуни 2023 година, и тоа поради несогласувања со тогашниот тренер на римскиот клуб Маурицио Сари. Ако Таре стане спортски директор на АЦ Милан, тоа значи дека отпаднува можноста Сари да биде новиот тренер на црвено-црните од Сан Сиро, пишуваат италијанските медиуми.
Тие предвидуваат дека Таре ќе сака да го доведе сегашниот тренер на Болоња, Винченцо Италијано (47), кој пред една недела го освои италијанскиот Куп, победувајќи го во финалето на римскиот Олимпик токму Милан (1:0).
Фото: Принтскрин
Учество во игри на среќа е дозволено за лица со 18+ години. Играј одговорно!