Преговорите започнале: Ристовски останува во Динамо, но за помала плата?

Македонскиот фудбалер, Стефан Ристовски наскоро би можел да го продолжи договорот со Динамо Загреб, пренесуваат медиумите во Хрватска.

Според информациите преговорите започнале и во Динамо се надеваат на позитивен исход.

Но, како што се најавува за д остане Ристовски ќе треба да прифати договор со помала плата од актуелната.

Се шпекулираше дека Динамо ќе побара ново решение за бековската позиција, нешто што го посакуваа и навивачите, но тоа изгледа нема да се случи.

Во овој момент не се открива за колку е пониска понудата на Динамо до Ристовски. Ристовски во првиот дел од сезоната за Динамо одигра 22 натпревари.