Познати детали: Легендарниот Рикардињо во Србија добива најголем договор, стан и автомобил!

Португалскиот футсалер Рикардињо скоро сигурно ќе потпише за Смедерево, пренесуваат српските медиуми.

Еден од најдобрите футсалери на сите времиња водеше интензивни преговори со Смедерево, откако го напушти италијанскиот Еко сити , но според сѐ изгледа дека се одлучи за Смедерево.

Имаше Рикардињо многу понуди, одби две од Бразил, една од Италија и една од Португалија, а најинтересна му изгледа онаа што дојде од Смедерево.

Во прашање е финансиски атрактивна понуда, дури и за фудбал во Србија, а не само за футсал. Како што пренесува telegraf.rs, управата на Смедерево имала состанок околу еден час со Рикардињо каде што се договорени финансиските услови, како и сѐ што тој и неговиот менаџер барале во вид на стан во Смедерево, службен автомобил и други детали.

Она што ги воодушеви раководителите на Смедерево е тоа што се интересираше колку пати неделно се тренира, а кога слушна дека тренинзите се два пати дневно и дека ги има вкупно од 9 до 10 во неделата, истакна дека тој е вистинскиот клуб за него и дека таму се тренира сериозно.

Вербалниот договор е постигнат, а сега останува да се решат формалностите, по што трансферот ќе биде комплетиран.

Рикардињо во текот на кариерата го носеше дресот на Бенфика, Нагоја, ЦСКА од Москва, Интер Мовистар, АКЦС, Пендекар Јунајтед, Рига и Екосити.

Признанието за најдобар футсалер во светот го освојуваше шест пати.