Познат фудбалер се сокри под креветот додека му ги киднапираа жената и детето

Сопругата и петгодишното дете на еквадорскиот фудбалер Џексон Родригез беа киднапирани додека спортистот се криеше под креветот.

Членот на Емелек, Џексон Родригез, доживува вистинска животна драма откако му беа киднапирани сопругата и петгодишното дете во Еквадор.

Провалници влегле во куќата на фудбалерот со цел да земат материјални вредности, но покрај тоа и ги грабнале членовите на семејството на познатиот играч.

“Непознати лица во средата наутро насила влегле во домот на фудбалерот. Покрај кражба на повеќе предмети и одредена сума пари, ги киднапирале и сопругата и синот на фудбалерот”, соопшти полицијата.

Додека драмата се случуваше, Родригез се скрил под креветот и избегнал страшна судбина. Претходно, неговата сопруга била прашана дали е тој дома, а кога не го нашле, се случило киднапирањето.

Фото: jackson_rodriguez20/Instagram