Потрес на Островот: Веќе се најавува следниот клуб на Пеп?!

Вчера Манчестер Сити ремизираше на гостувањето кај Борнмут, што значи дека математика го остави без шанси за титулата едно коло пред крајот на сезоната во Премиерлигата.

Екипата предводена од Пеп Гвардиола не успеа да прикаже добар настап и на крај обезбеди само еден бод на посетата во Борнмут.

Тој исход овозможи славје во Лондон, бидејќи Арсенал, по 22 години долга пауза, се круниса за нов шампион на Англија, уште едно коло пред крајот на првенството.

Гостувањето на Манчестер Сити во Борнмут беше последното за Пеп Гвардиола како тренер на клубот од Етихад, кој наскоро ќе го напушти овој тим.

Конкретно, шпанскиот стратег одлучи дека е време за нови предизвици и долго се шушка во спортските кругови за неговото ново работно место.

Информациите од Англија звучат извонредно изненадувачки, и се однесуваат на тоа каде би можел Пеп Гвардиола да замине, откако ќе го напушти Манчестер Сити.

Според најновите известувања од Англија, изгледа дека челниците на Ливерпул ја губат довербата во Арне Слот.

Иако се шпекулираше дека Луис Енрике би можел да го преземе кормилото на Ливерпул, тој сака да остане во Пари Сен-Жермен.

Но, денеска англиските новинари од CaughtOffside објавија вистинска сензација и тврдат дека Пеп Гвардиола ќе ја преземе функцијата тренер на Ливерпул.

Иако ова изгледа тешко за верување, би било голем шок за навивачите на Манчестер Сити доколку навистина се случи.

Од друга страна, шпанските медиуми известуваат дека Гвардиола можеби размислува за улога на национален селектор, што му е следниот мотив во кариерата.