По сѐ што беше кажано синоќа, Мбапе може да ги спакува куферите и да си замине од Реал Мадрид

Килијан Мбапе е под огромен притисок во Реал Мадрид, а по натпреварот против Еспањол, каде не играше поради повреда, изгледа дека е јасно дека проектот на кралскиот клуб е сепак Винисиус Жуниор.

Килијан Мбапе е надвор од теренот поради повреда. Моментите додека се одмара реши да ги мине надвор од Шпанија во друштво на својата девојка, и беше снимен како ужива на јахта во секој момент.

Тоа не им се допадна на бројните навивачи на кралскиот клуб. Тие сметаат дека Французот се гледа како поголем од клубот, а по натпреварот во Барселона против Еспањол зборуваше за заминувањето на Мбапе од Мадрид.

„Мбапе? Секој играч прави што сака во слободно време”, рече Арбелоа и додаде:

„Не го изградивме Реал Мадрид од играчи кои се облечени во костуми, туку од оние чии дресови се прекриени со кал, пот и со вистински пристап,” кратко и јасно порача тренерот на кралскиот клуб издвојувајќи го Винисиус Жуниор.

Бројките на Килијан Мбапе во дресот на Реал Мадрид се одлични. Од доаѓањето во клубот во летото 2024 година, францускиот напаѓач одигра точно 100 натпревари и има учинок од 85 голови и 11 асистенции.