Пиза се пласираше во Серија А, но Изнаги – остана во Серија Б!

Тимот од Тоскана, Пиза, и нивниот тренер Филипо Инзаги одлучија да го прекинат договорот, објави клубот.

Инзаги ја напушта Пиза само месец по големиот успех со тимот – обезбедување место во Прва италијанска лига, за првпат по 34 години. Пиза го освои второто место во Втората лига, а покрај неа, пласман во највисокото ниво изборија и Сасуоло и Кремона.

Инзаги, кој некогаш беше дел од италијанската селекција, сè уште имаше договор за уште две години. Италијанските медиуми информираат дека 51-годишниот тренер се планира да остане во Втората лига и ќе го преземе Палермо.

Наводно, Палермо платил речиси милион евра на Пиза за Инзаги и има амбиции да се врати во Првата лига следната сезона.

Палермо е во сопственост на Сити Фудбал Груп, исто како и Манчестер Сити. Меѓу кандидатите за нов тренер на Пиза се спомнуваат Алберто Џилардино и Марко Џампаоло, кој неодамна ја напушти функцијата во Лече.