Перез го „одврза ќесето“: Познато колку пари Реал ќе мора да ѝ плати на Бенфика за Мурињо

По објавата на Фабрицио Романо за враќањето на Жозе Мурињо во Реал Мадрид, познато е и колку пари ќе заработи Бенфика.

Во договорот на Мурињо со Бенфика, кој важи до летото 2027 година, постои клаузула што му гарантира значителна отштета на португалскиот клуб ако Мурињо премине на „Бернабеу“.

Според пишувањата на португалскиот „Рекорд“, Реал за да го доведе Мурињо ќе мора да исплати на Бенфика 7 милиони евра.

Клаузулата е активна во многу краток временски рок – Мурињо може да се пресели во Реал за 7 милиони евра само во рок од 10 дена по последниот натпревар од сезоната, што дефинитивно ќе се случи бидејќи Романо објави дека договорот ќе биде потпишан на 23 мај.