Палмер „украде“ гол на соиграчи поради – „Фантази Премиер лига“!

Фудбалерите на Челси синоќа со победа на гости кај Саутемптон со резултат 5:1 се пробија на второто место во Премиер лигата и се вклучија во борбата за титулата.

За Челси синоќа погодија Акзел Дисаси, Кристофер Нкунку, Нони Мадуеке, Кол Палмер и Џејдон Санчо, а особено интересен беше голот на Палмер за 4:1.

Во 77. минута Нкунку излезе пред голманот на Саутемптон Џо Ламли и со извонреден дриблинг ги измами него и еден дефанзивец на домашната екипа, и ја испрати топката во голот.

Но, пред да заврши топката во голот, Палмер успеа да стигне до неа, па тој ја смести во мрежата и така го „украде“ голот на својот соиграч.т.

Голот на Палмер против Саутемптон pic.twitter.com/Z6ARyZwAcc

— Xilk Trops (@reziser87) 5 декември, 2024

Веднаш по постигнувањето на голот, Палмер, пред своето карактеристично славење, се поздрави со Нкунку кој се смееше откако сфати за што се работи.

По натпреварот, Палмер му се извини јавно и призна дека „украде“ голот заради Фантази Премиер лигата.

“Извини Нкунку, но на играчите на Фантази им требаше мојот гол”, порача Палмер, а Французинот му одговори дека сè е во ред.

Палмер синоќа на Фантази им донесе 7 поени на играчите кои го имаа во тимот, а вкупно е втор по бројот на „Фантази“ поени во лигата со 107. Пред него е само Мохамед Салах со 151 поен.