Oфицијално: Нема „вајлд карта“ за Е.Пелистер, ЕХФ ги објави добитниците

Oна што вчера беше најавено денес се потврди, Македонија нема да има два претставника во Лигата на шампионите.

ЕХФ енес ги објави добитниците на вајлд-карта и помеѓу нив не е Еурофарм. Поради високиот рејтинг на македонскиот ракомет, Е.Пелистер како и минатата година испрати барање за вајлд-карта меѓутоа овој пат не битолскиот тим не доби позитивен одговор.

Клубовите кои добија вајлд карта се: ПИК Сегед, Елверум, Динамо Букурешт, Целје, Пововарна Лашко, Мешков Брест и Нант на Кире Лазаров.

Еурофарм пак место во ЛШ ќе мора да се задоволи со место во Европската лига каде ќе одат уште: Адемар Леон, Спортинг Лисабон, Кадетен Шафхаузен, Бешикташ, Висла Плок, Мотор Запорожје и ГОГ Гудме.