Oфицијално: Италија – Македонија ќе се игра пред полни трибини

Како и што се најавуваше Италија доби полн капацитет за натпреварот против Македонија во баражот за СП.

Италијанците побараа за пресметката со Македонија место 75% капацитетот да биде 100%. Властите направија исклучок за овој натпревар.

„Според актуелната ситуација ништо не не спречува од епидемиолошки аспект да играме пред полн стадион. Натпреварот Италија – Македонија е од голема важност затоа стадионот ќе се отвори за сто отсто од капацитетот“, изјави Сперанца.

Треба да се спомене дека ова ќе биде прв натпревар кој во Италија ќе се игра пред полни трибини од почетокот на пандемијата во март 2020 година. За натпреварот веќе се продадоа 26.000 влезници кои беа пуштени во продажба, а сега ќе има дополнителни 10.000.